Вечнае імгненне (fb2) 
- Вечнае імгненне [by] 165K скачать: (fb2) - (epub) - (mobi) - Леонид Мартынович Дайнеко
Леанід Дайнека
Вечнае імгненне
Падрыхтаванае на падставе: Дайнека Л., Вечнае імгненне: Вершы.— Мн.:Маст. літ., 1985.— 94 с., іл. 40 к.
Рэцэнзенты Хведар Чэрня, Уладзімір Скарынкін
Copyright © 2013 by Kamunikat.org
НАРОД
Проста ў космас імчым
Ці праполваем градкі,
На футболе крычым
Для нервовай разрадкі,
Ладзім новы завод,
Каб там сталь забурліла.
Мы — народ. Мы — народ.
Мы — галоўная сіла.
Косім луг па расе.
Крочым штольняю цеснай.
Помнім, хоць i не ўсе,
Сваіх прадзедаў песні.
Плачам, сціснуўшы рот,
Ля бацькоўскіх магілаў.
Мы — народ. Мы — народ.
Мы — галоўная сіла.
Мы — граніт і метал.
Мы — пяшчота і ласка.
Мы — разгневаны шквал.
Мы — дзіцячая казка.
Мы — алмазная грань.
Зорных дзён узыходы.
Не зблудзі. Не адстань.
Стань часцінкай народа.
* * *
Я хацеў бы пражыць на зямлі
Так, як бацька з дзедам жылі.
Я хацеў бы зямлю разумець,
Да работы ахвоту мець,
Есці чэсна здабыты хлеб,
Бачыць радасць у кожным доме.
А калі спатыкнуцца, дык лепш
Спатыкнуцца аб сонечны промень.
Комментарии к книге «Вечнае імгненне», Леонид Мартынович Дайнеко
Всего 0 комментариев