«Уладар Пярсьцёнкаў: Дзьве вежы»

Уладар Пярсьцёнкаў: Дзьве вежы (fb2) - Уладар Пярсьцёнкаў: Дзьве вежы (пер. Дмитрий Могилевчан,Кристина Курчанкова) 1708K скачать: (fb2) - (epub) - (mobi) - Джон Рональд Руэл Толкин

Уладар Пярсьцёнкаў: Дзьве вежы

Тры – сьмяротнай зямлі несьмяротным князям,

Сем – царам-кавалям на падгорным троне,

Дзевяць – чалавечага племені каралям,

Адзін – Уладару Цемры ў чорнай кароне,

У змрочнай краіне Мордар, там, дзе пануе Цень.

Адзін – уладарыць над імі, адзін – адшукаць іх,

Адзін – завабіць і ў цемры скаваць іх

У змрочнай краіне Мордар, там, дзе пануе Цень.

КНІГА ТРЭЦЯЯ

1. Сыход Бараміра

Арагорн хутка лез на схіл. Раз-пораз нахіляўся да глебы. Хобіты крочаць лёгка, і нават сьледапыту няпроста чытаць іхнія сьляды, але непадалёк ад вяршыні сьцежку перасякала крынічка, і на мокрай глебе Арагорн знайшоў тое, што шукаў.

– Сьляды я прачытаў слушна, – сказаў сам сабе. – Фрода пабег да вяршыні. Цікава, што ён там пабачыў? Бо вярнуўся тым самым шляхам, зноў спусьціўся па сьцежцы.